A frialdá de las boiras

Ola buen diya Garzeteros, atro maitín zarrau per a boira inspiradora.

Lebo a boira adentrada en yó,
en ye ficada nos güesos,
lebo un aimor n'o corazón,
ficau n'o miyo esmo.

A boira me'n chela o cuerpo
l'aimor me da ra calor,
o frido me fa muerto
l'aimor mos leba enta ra lut.

Diyas de boiras y chelos,
que sentimos dende o leito,
diyas ta fer forisquetas,
enreligaus en linzuelos.

¿Cuantos ninons no han beniu ta o mundo,
per aber abiu boira,
y l'aimor d'una parella,
que eban teníu frido..?

A frialdá de las boiras,
ye una fridor natural,
a calor que da l'aimor,
cutio me fa tremolar.

As boiras y a suya fridor, tamién mos trayen a bida.