Lo miyo Paraiso

Buen diya GaRzeta, y gaRzeters.

Una biera romantica,
feita con muita, muitisma angluzia,
dimpues de fer buena rota,
per o lugar, en silenzio,
en d'o la paz ye cutiana,
y as bozes que sh'ascuitan,
son tan suabas como soflo.

Un belador compartiu,
belunos en son brendando,
t'atros, a brenda ye zena,
y ta los menos,
encara que ye lugo,
ha d'estar ta colazión.

Ye lo miyo Paraiso,
que se'n tornó n'un inferno,
ya cuasi ba a fer un anyo,
encara que o miyo aimor,
contina estando ro mesmo,
como se'n quiere a una maí.

A chen ye charrando a ormino,
alumbraus por lut calida,
que templa os pensamiéns,
y as parolas surtidas.

Aprobeitemos l'estiu,
y os buenos beladors,
ta fer-nos-ne bella charrada,
sin debantar güaire a bot,
y no estorbar güaire a naidie,
acoflau a lo nuestro en rededor.

A cultura en as prexonas,
no gosa estar solo conoximientos,
a mayor cultura ye, (ta yó)
o rispeto y umildá,
enta o mundo y a naturaleza.