Chuan
Buen diya GaRzeta y gaRzeters.
Nunca no emos abiu, encarrañada a ra naturaleza,
nunca no mos ne ha feito a tana como agora,
¿Que li ne emos feito?
Bella cosa que li'n estorba,
y que como femos es umáns,
mos rebolbemos ta contestar.
Mos creyemos es umáns,
que semos es reis d'o mundo,
aforatando montañas,
patiando per todos puestos,
escoliminando espezies animáls, y bechetals.
Acotolamos es selbas,
fendo rotas de gudrón,
ta emplir todos puestos d'autos.
Emplimos de molíns mons y bals,
y es zielos d'abións,
que contaminan o mundo,
con es pasos de chigáns.
As auguas ya nes pillamos puercas y as emos d'escoscar ta o suyo emplego animal,
ta torna-ne a es rios mas puercas, y tor-nar a escoscar.
En todas casas bi'n ha bel beiclo a motor,
y en muitas dos u tres.
Es animals ne ban locos,
y nusatros tamién,
treballando una gora, zinco u las que'n biengan bien ,
de maitins, de tardis u nueis, cualsiquier diya d'a semana,
sin remerar,
que cal bel diya discansar,
y que cal fer-ne todos de bet,
ta sentir que ye un diya de fiesta, ta compar-ti-ne con es demás.
A naturaleza como cualsiquier animal,
se'n ye tornardo agresiba,
y se'n ye rebelando contra es que a prebocan que semos es omes.
Isto ya no ha retorno bueno.
Agora una canta d'o triyo de saxos, sin percusión, ta meter a dulzor en o nuestro corazón
"GaseoSax"
