Chuan
No abemos remeyo os aragoneses.
Mientres que unos s'encarranyan y s'en concaran, per si isto s'en escribe con be baixa, u be alta,
atros quieren que no se diga ni escriba con denguna d'as dos.
Mientres que unos charran de gramatica aragonesa, u descalifican a unatros per emplegar-la millor u peyor... atros no ne quieren, y niegan ixa gramatica y la quieren muerta.
Y asinas lebamos cuasi cuaranta anyadas,
con tat istas fatezas.
No ye d'estranyar, perque isto que quieren fer bels "puliticos " aragoneses agora, con l'aragonés, lo leban querendo fer ya dende fan bellos sieglos, con leis que castigaban a los aragoneses,
que i charras-sen e n'aragones.
Con malos chistes,
con frases y perxonaches,
en os cines y telebisións,
de apatuscos aragoneses, que cosa teneban que bier con a rialidá.
En as escuelas castigaban a es ninos que charraban aragonés.
No quiero pensar como eban d'estar ziertos reis castellanos,
con tapabocas, con o amariello y royo d'o sinyal d'a corona d'Aragón, pero con unas ideyas de foranos y estrancheros.
Ye per lo que teneba-nos bién platero, que la fín de istas collas puliticas,
en yera dende fan más de 30 anyos, Amortar l'aragonés.
Ye berdá que tiempo han abiu unatras collas,
que mos parixen d'o pueblo,
de fer una normalizazión, como un diya fazie, l'Eusquera, u lo Catalan, u lo Gallego.
Pero rai.
Profes que istas chéns , son muito más templaus que la aragonesa.
Ni tan sisquiera istos mesmos abrian de prexinar aber una mida asinas, ta istas normalizadas luengas.
Ye per isto per lo que correba muita prisa una normalizazión de l'aragonés.
Perque con un aragonés normalizau , contimostrau, y reconoxiu ya no podrian zeprenar a la cronta de la luenga aragonesa.
Perque una luenga ha muita fuerza , y bién que ne saben.
"Sin saber o perque " la Aragonesa ne quieren bier muerta,
y que nunca no más debante a capeza.
