Chuan
Buena tardi GaRzetica.
Os chitos y flors de casa miya.
As flors d'o miyo chardín,
gosan estar flors perens,
nunca no pierden petalos,
ni s'en sulsen con o Sol.
As flors que yo alzo en casa,
charran con yó amonico,
me rezentan os suyos dandalos,
abegadas, sí , los me cuentan.
As flors d'a miya bida,
gosan estar cutio regadas
con parolas y con suenyos,
de bibenzias y de aimors.
As plantas que yo i planté,
han gosau ser diferéns,
han rechitau china, chana,
amillorando as suyas colors y ulors.
Eras estan naturals,
de polideza infinita,
ulorando a suya esenzia,
que poqué a poqué,
sin garra prisa lo zierzo enta yo me gosa i nimbiar,
y que encara que esta-se ziego,
cutio riconoxeria.
As millors flors que en casa miya alzo,
son güeito sers bertebraus.
A rosa que ye mi guida,
ye la primer y a miya sinyora.
As dos brancas rechitadas,
son os dos nuestros rechitos,
que ne son as miyas dos fillas..
Y os zinco nietos de l'alma,
que de su pancha naxiorón.
Estas són mi GaRzetica,
O perfume d'os miyos aimors.
