Chuan
En os estius d'antismás,
a nueí yera benditad
l'aguardamos goyosos,
lexos de las calorinas.
Chugaba-mos todos ninos,
a marro y las cuatro esquinas,
tamién a lo pasacarreras,,
dica que mos ne arrancaban,
a isto d'as diez u.. as onze,
y mos mandaban ta casa.
Entremistanto os pais,
feban roldes de vecinos,
en d'o todos s'en contaban,
as istorias d'e ixe diya.
Lo mesmo daba pastors,
que matachíns, u botigueros,
todos dimpues de zenar,
ta carrera con as siellas.
Dimpues de fer a charrada,
u de chugar tot es ninos,
y pensando en treballar,
en o diya esdebenidero,
os lolos pais y los criyos,
s'en puyaban enta casa ,
ta dormir y discansar,
sin calors, y a garrón cayiu.
Cuanto abemos cambeyau ,
en istas cuasi sitanta anyadas,
con iste orache de fuego,
que calienta as carreras,
y fa bullir os suleros.
Es son istorias bibas,
ficadas en o tozuelo,
d'un ome que ya ye biello.
