Chuan
Buen diya amigos GaRzeters, boladores con as buestras parolas per o mundo.
Me'n remero como de nino y ya de mozet,
en es lugars se'n penchaban n'as finestras y balcóns,
es ramos de oliberas y bella palma,
bendezidos n'as ilexias y prozesións,
ta que se'n espantasen todo mal, y es malos espritus,
de tas es casas,
y que no se'n adentrasen ie.
Tamien n'o miyo lugar yera costume,
que es monaguillos y sacristán d'as parroquias,
fesen de casa en casa,
en istes diyas de Semana Santa,
corriendo todas y cadaguna d'as casas,
pasando per todas cambras y estabillas con guisopo en mano,
ta bendezir todas es estachas,
ta si bieba bel espritu u malotiya,
se'n ne fese ie y escoscar cada cambra.
Yera per ixas anyadas,
a traza millor que bieba,
ta que as casas n'estasen bien escoscadas,
de diaples, espritus, y males de güello,
que encara se i creyeba.
