Chuan
Buen diya 1 de Nobiembre.
La primera begada que fui ta o fosal ( cementerio ) a lebar flors a un difunto, estié a ra miya lola, muerta una anyada enantis de que yo tene-se diez anyos.
Como ya teneba una bezicleta "una Super Cil sin barra, polidisma", la miya maí me i nimbie a lebar-le a ra miya lola unas flors, y fer-li onra.
Güe fa de iste quefer, sisanta (60) anyadas.
Dende casa d'a miya maí to fosal bi ha 2 km.
Pos bien, cuan i pligue con as flors y ra bezicleta, teneba as mans fridas, pos yera un diya de muita boira, i una mica de dorondón, (niebla que arroja, que es como que este lloviendo, y como tal como cae se hiela, parece que haya nevado en campos y arboles con ella).
Bueno cuan dixé as flors en o nicho a ra lola, teneba tanto frido, que ascape pille a bezicleta y me'n entorne ta lo lugar .
I feba tanto frido que as mias máns me'n s'enchelaban , me'n se'n quedaban encheberllidas y cuasi no podeba agafar o manillar per segundos pos n'o teneba esguáns, ( per allora ( entonces ) no en tenebanos).
Tanto frido i feba que en bez de ir ie a casa miya, a metá d'o camín me'n adentre n'o lugar, y a l'abrigo u carasol d'a plaza d'o lugar, aturé a bezicleta y entre en calor.
Isto toz ne cuento, perque ye tantismo lo que a cambeyau a morfuga y l'orache en istas anyadas, que güe que parixe que fa un poque fresco, ye cuasi como un diya d'estiu de aqueras anyadas.
Pienso y me da pena, que poque o nada podemos fer nusatros per cambeyar l'orache, solo precurar no emporcar mas a naturaleza, cosa más.
